மிக நீண்ட காத்திருப்புக்கு பின்னர் மஹிந்திரா & மஹிந்திரா நிறுவனம் புதிய XUV400 மின்சார காரை ரூபாய் 15.99 லட்சம் ஆரம்ப விலையில் விற்பனைக்கு வெளியிட்டுள்ளது. 456 கிமீ ரேஞ்சை அதிகப்படியாக வழங்கும் எக்ஸ்யூவி 400 காரில் 34.5kWh மற்றும் 39.4kWh என இரு விதமான பேட்டரி பேக் பயன்படுத்தப்பட்டுள்ளது.
XUV400 பேட்டரி காரின் அறிமுக விலை ஒவ்வொரு வேரியண்டிற்கும் முதல் 5,000 யூனிட்களுக்கு மட்டுமே பொருந்தும். மஹிந்திரா ஜனவரி 26 ஆம் தேதி முன்பதிவு துவங்கும் நிலையில் டெலிவரி மார்ச் மாதத்தில் தொடங்கும்.
மஹிந்திரா XUV400 EV
XUV400 EV காரில் இரண்டு பேட்டரி பேக் கொடுக்கப்பட்டுள்ளது. 34.5kWh மற்றும் 39.4kWh என இரண்டும் 150hp மற்றும் 310Nm டார்க்கை முன்புற ஆக்சிலுக்கு வழங்குகின்றது. XUV400 ஆனது 8.3 வினாடிகளில் 0-100 கிமீ வேகத்தை எட்டுகிறது. அதிகபட்ச வேகம் மணிக்கு 150 கிமீ ஆகும். XUV400 மூன்று டிரைவிங் மோடுகளையும் கொண்டுள்ளது. அவை Fun, Fast மற்றும் Fearless ஆகும். ஸ்டீயரிங் மற்றும் த்ரோட்டில் ரெஸ்பான்ஸை உடன் ரீஜெனரேட்டிவ் பிரேக்கிங் சிஸ்டத்தை பெற்றுள்ளது.
குறைந்த சக்தி கொண்ட 34.5kWh பேட்டரி பெற்ற XUV400 375 கிமீ ரேஞ்சு கொண்டுள்ளது. அடுத்தப்படியாக, 39.4kWh பேட்டரியுடன் இந்திய ஓட்டுநர் சான்றிதழ்படி (MIDC- Indian driving cycle) ஒருமுறை சார்ஜ் செய்தால் 456கிமீ தொலைவு பயணிக்கும்.
50kW DC ஃபாஸ்ட் சார்ஜரைப் பயன்படுத்தி 50 நிமிடங்களுக்குள் 0-80 சதவிகிதம் சார்ஜ் செய்ய முடியும். கூடுதலாக, மின்சார எஸ்யூவியை 6 மணி 30 நிமிடங்களில் 7.2 கிலோவாட் சார்ஜரில் 13 மணி நேரத்தில் அல்லது 3.3 கிலோவாட் ஏசி சார்ஜரைப் பயன்படுத்தி 0-100 சதவீதம் சார்ஜ் செய்யலாம்.
மஹிந்திரா XUV400 மாடலில் மூன்று விதமான வேரியண்டுகள் வந்துள்ளது. அவை EC (3.3kW), EC (7.2kW) மற்றும் EL (7.2kW). மஹிந்திராவின் AdrenoX மென்பொருளுடன் 7.0-இன்ச் தொடுதிரை, சன்ரூஃப் மற்றும் ஓவர்-தி-ஏர் (OTA) புதுப்பிப்புகளுடன் இணைக்கப்பட்ட தொழில்நுட்பம் போன்ற அம்சங்களைப் பெறுகிறது. இது ஆறு ஏர்பேக்குகள், நான்கு சக்கரங்களிலும் டிஸ்க் பிரேக்குகள், பேட்டரி பேக்கிற்கான IP67 மதிப்பீடு மற்றும் ISOFIX ஆகியவற்றைப் பெறுகிறது.
Mahindra XUV400 Prices:
| Variant | Price |
|---|---|
| XUV400 EC 34.5 kWh 3.3 kW Charger | Rs. 15.99 Lakhs |
| XUV400 EC 34.5 kWh 7.2 kW Charger | Rs. 16.49 Lakhs |
| XUV400 EL 39.4 kWh 7.2 kW Charger | Rs. 18.99 Lakhs |
All prices, ex-showroom & introductory
மஹிந்திரா XUV400 விலை ₹.15.99 லட்சம் முதல் ₹18.99 லட்சம் வரை ஆகும்
அதிகபட்சமாக 456 கிமீ ரேஞ்சு (39.4kWh பேட்டரி) மற்றும் 375 கிமீ ரேஞ்சு (34.5kWh பேட்டரி)
